Հունիսին արտահանում իրականացրած տնտեսվարողներին 3 միլիարդ 140 միլիոն դրամ աջակցություն կտրամադրվի

Հունիսի սկզբին Կառավարությունը շուկաների դիվերսիֆիկացման նպատակով ընդունել էր աջակցության ծրագիր, որով ֆինանսական աջակցություն ենք տալիս, եթե արտահանվում են հայկական ծագման ջերմատնային արտադրության ապրանքներ, ինչպես նաև թարմ պտուղ և սննդամթերքի ու խմիչքի առանձին տեսակներ: Այս մասին Կառավարության նիստում նշեց էկոնոմիկայի նախարար Գևորգ Պապոյանը:

«Միջոցառման իրականացման համար հունիսին առաջացած պարտավորությունների կատարման նպատակով անհրաժեշտ է փոխհատուցել ընդհանուր առմամբ 3 մլրդ 140 մլն դրամ»,- հայտնեց նախարարը: