«ՀՀ-ի խաղաղությունն ու անվտանգությունը միայն խոսքերով գոյություն ունի»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Թշնամանքի ու հակամարտության խորհրդանիշ համարվող Բեռլինի պատը հիմնահատակ քանդեցին, իսկ Կիրանցում խաղաղության խորհրդանիշ հռչակված մեծ, երկար պատ են սարքել։ Սահմանամերձ Բաղանիսում նորակառույց մանկապարտեզը պաշտպանող, դեմ-դիմաց գտնվող Ղազախի շրջանի Ղուշչի-Այրումի հենակետերից գնդակոծություններին, հրետակոծություններին դիմագրավող մեծ, երկար պատ են սարքել։ Գյուղերում փողոցները վարկերով, պարտքով տուֆապատում են, երբ Հայաստանի խաղաղություն ու անվտանգություն միայն խոսքերով գոյություն ունի, փաստացի դրանք չկան, պարզապես տևական հրադադար է։ Դա նման է այն բանին, երբ տան պատերը ներկում են, իսկ տանիքը բաց է։ Պարզ բան եմ ասում, սակայն իշխանական քարոզչությունից մթագնած ուղեղները պարզ բաներն էլ չեն հասկանում»։