«Քրիստոսի արձանի շինարարության հետ կապված՝ խնդիրներ կարող են առաջանալ». Իվետա Տոնոյան

Հիսուս Քրիստոսի արձանի շինարարությունն այս պահին շարունակվում է։ Այս մասին «Փաստինֆո»-ի հետ զրույցում հայտնել է ԲՀԿ առաջնորդ Գագիկ Ծառուկյանի խոսնակ Իվետա Տոնոյանը։ Նա չի բացառել, որ առաջիկայում արձանի շինարարության հետ կապված խնդիրներ կարող են առաջանալ։ «Ինչ-որ պահի խնդիրներ առաջանալու են այն իմաստով, որ կոնկրետ երեսպատման սալիկների մատակարարումը իրականացվում է «Մուլտի սթոուն» ընկերությունը, որի գործունեությունը նույնպես այս պահին դադարեցված է։ Այդ ընկերությունը ևս կապարակնքված է և քարի հումքի խնդիրները ազդեցություն ունենալու են շինարարության ընթացքի վրա։ Թեև, այո, այս պահին, շինարարությունն ընթացքի մեջ է»,- ասել է Տոնոյանը։