«Իշխանությունն իրեն ավելի կոմֆորտ է զգում, երբ քաղաքական ընդդիմախոսին կալանավորում է»․ Վահագն Սարոյան

Ռազմական փորձագետ Վահագն Սարոյանի ֆեյսբուքյան գրառումը․ «Շուրջ մեկուկես ամիս է՝ Արմեն Աշոտյանը բանտում է, զրկված ազատությունից։ Եվ այս իշխանությունների քաղաքական ռեպրեսիաները գնալով ոչ թե նվազում, այլ ավելի են խորանում։
Հիմա հարց է առաջանում՝ Աշոտյանին ազատությունից զրկելով այս իշխանությունն ավելի հարմարավե՞տ է կառավարում երկիրը։ Արդյո՞ք նրա բանտարկությունից հետո Հայաստանում որևէ խնդիր լուծվեց, որևէ քաղաքացու կյանք բարելավվեց, որևէ պետական հարց առաջ շարժվեց, արտահանման խնդիրները լուծվեց, կամ քաղաքական ղեկավարության հեղինակությունը բարձրացավ միջազգային արենայում...
Իհարկե՝ ոչ։
Պարզապես իշխանությունն իրեն ավելի կոմֆորտ է զգում, երբ քաղաքական ընդդիմախոսին կալանավորում է, բանտարկում և փորձում լռեցնել։ Բայց այդպես պետություն չեն կառավարում։
Ու մի հարց էլ՝ շատ պարզ, առանց ավելորդ ձևակերպումների. Արմեն Աշոտյանից ինչո՞ւ եք այդքան վախենում։
Եթե մարդուն բանավեճում չես կարող հաղթել, փորձում ես նրան լռեցնել փակելո՞վ։ Եթե գաղափարների դեմ հակափաստարկ չունես, դիմում ես ուժին։ Իսկ եթե քաղաքական ընդդիմախոսին բանտ ես ուղարկում, նշանակում է՝ նրա խոսքը քեզ համար ավելի վտանգավոր է, քան սեփական քաղաքականությանդ նկատմամբ ունեցած վստահությունը»։