Ֆրանսիայիում 18-ամյա կալանավորը ծրագրել է Մբապեի և 25 այլ մարդկանց առևանգումը

Ֆրանսիայի իրավապահ մարմինները բացահայտել են հանցավոր խմբի, որը պատրաստվում էր առևանգել 26 մարդու, այդ թվում՝ Մադրիդի «Ռեալի» հարձակվող Կիլիան Մբապեին։
Աղբյուրի տվյալներով՝ 18-ամյա Կլեման Լ-ն, որը հայտնի է Լեսթեր Զ կեղծանվամբ, խումբը ղեկավարել է Վիլպենտի բանտից։ Նա նախկինում ձերբակալվել էր զինված կողոպուտի և կավատության կասկածանքով։
Կլեմանի երկու հեռախոսներն ուսումնասիրելիս իրավապահները հայտնաբերել են ֆուտբոլիստների, ռեփերների, ոսկերիչների, ձեռնարկատերերի և այլ մեծահարուստների հասցեներ։ Ընդհանուր առմամբ, հանցագործները ծրագրել են առևանգել 26 մարդու։ Պոտենցիալ զոհերի թվում է եղել Մբապեն։

Ըստ քննիչների՝ Կլեմանը Snapchat-ի միջոցով ցուցումներ է տվել հանցակիցներին։ Նրա ինքնությունը պարզվել է ապրիլին Նոյ-սյուր-Սենում ժամագործի վրա հարձակումից հետո: 18-ամյա կասկածյալը, ով դուրս է մնացել խոհարարական ուսուցման առաջին կուրսից, քննիչներին ասել է, որ ցանկանում է շարունակել ուսումը և դառնալ խոհարար։

Կիլիան Մբապեն մեր ժամանակների լավագույն ֆուտբոլիստներից է, աշխարհի առաջնության ռեկորդակիրը գոլերի քանակով (22)։ Ֆրանսիացին «Ռեալում» հանդես է գալիս 2024 թվականից. Մինչ այդ նա խաղացել է «Մոնակոյում» և ՊՍԺ-ում։