«Աշխատավարձերը գործակցով կհաշվեն, թե հարգանքի տուրքով, փաստացի հունվարից տեղի է ունենալու աշխատավարձերի բարձրացում»․ Մանուկ Սուքիասյան

«Այսօր ֆիքսելու ենք գործակիցները, որով հնարավոր կլինի հաշվարկել աշխատավարձերի չափերը արդեն բյուջեով․ այսօր աշխատավարձերի բարձրացում չենք իրականացնում, պարզապես գործակիցներն ենք ֆիքսում, որը տեղի է ունենում ամբողջ պետական համակարգում ու մյուս ՏԻՄ-երում, Երևանը չի կարող անմասն մնալ պրոցեսից»,- ավագանու նիստին, արձագանքելով ընդդիմադիրների ելույթներին, ասաց ՔՊ խմբակցության ղեկավար Արմեն Գալջյանը, ով երեկ նաև գրառում էր կատարել այս թեմայով։

«Մայր Հայաստան»-ից Մանուկ Սուքիասյանն արձագանքեց․ «Աշխատավարձերը գործակցով կհաշվեն, թե հարգանքի տուրքով, փաստացի հունվարից տեղի է ունենալու աշխատավարձերի բարձրացում»։ Նա առաջարկեց հարցը դարձնել զեկուցվող, առաջարկը չընդունվեց։

Հիշեցնենք՝ երեկվանից քննարկվում է, որ Երևանի քաղաքապետի և քաղաքապետարանի մյուս պաշտոնյաների աշխատավարձերը նախատեսվում է բարձրացնել։