«Փայտածուխի արտադրամասերն աղտոտում են բնությունը»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Տավուշի մարզում գործում է փայտածուխի 80 արտադրամաս։ Տավուշում փայտածուխի արտադրամասերի մեծ մասը մետաղյա կիսված մեծ տակառ է, որտեղ վառելափայտը մարմանդ ծխեցնում, ածուխ են ստանում։ Այդ արտադրամասերը խախտում են բնապահպանական չափանիշները, աղտոտում մթնոլորտը, շրջակա միջավայրը։ Տավուշի մարզի անտառներում ապօրինաբար հատված վառելափայտի մեծ մասը իրացվում է մարզի փայտածուխի արտադրամասերում։ Իշխանության բարձր հովանու ներքո փայտածուխի 80 արտադրամասերն աղտոտում են բնությունը, իսկ իշխանությունը Երևանում բնապահպանական մեծ համաժողով է անցկացնում»։