Հինգշաբթի, 24 սեպտեմբերի, 2020 թ.
|
Ստեփանակերտում`   +16 °C

«Հանձնարարեք թող ստուգեն՝ ինչպե՞ս են բազմաթիվ տնօրեններ վերահսկում ուսուցիչների սոցիալական գրառումներն ու լայքերը». Զոհրաբյան

«Հանձնարարեք թող ստուգեն՝ ինչպե՞ս են բազմաթիվ տնօրեններ վերահսկում ուսուցիչների սոցիալական գրառումներն ու լայքերը». Զոհրաբյան
79
Չորեքշաբթի, 16 սեպտեմբերի, 2020 թ., 16:20

ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը ԿԳՄՍ նախարարի պաշտոնանկության հարցի քննարկման իր ելույթում՝ դիմելով Արայիկ Հարությունյանին, ասաց. «Դուք ասում եք՝ «Լուրջ ե՞ք ասում, որ վախի մթնոլորտ է դպրոցներում»: Այո, լուրջ ենք ասում: Պարոն Հարությունյան, հանձնարարեք Ձեր օգնականներին թող ստուգեն՝ ինչպե՞ս են դպրոցներում բազմաթիվ տնօրեններ ընդհուպ վերահսկում ուսուցիչների սոցիալական գրառումներն ու լայքերը: Կա դեպք, երբ տնօրենը կանչել է ուսուցչին և ասել՝ «Մի հատ համարձակվեք գրառում արեք»: Դուք տապալել եք բոլոր ոլորտներում այն, ինչ վստահվել է Ձեզ՝ գիտություն, կրթություն, մշակույթ, սպորտ, երիտասարդություն»:

Ն. Զոհրաբյանն ասաց, որ «Բարգավաճ Հայաստանը» միանում է «Լուսավոր Հայաստանի» պնդմանը՝ ԿԳՄՍ նախարարի հրաժարականի պահանջով: