Մեծամորի հնավայրի պեղումների ընթացքում գտնվել է շուրջ 28 հազար առարկա՝ էնեոլիթի դարաշրջանից

879

Երեքշաբթի, 14 դեկտեմբերի, 2021 թ., 17:18

Մեծամորի հնավայրում կատարված պեղումների ընթացքում գտնվել է շուրջ 28 հազար առարկա՝ էնեոլիթի դարաշրջանից (մ.թ.ա 5-6 հազարամյակներից) մինչև ուշ միջնադար (17-18-րդ դարերը)։

«Մեծամոր» պատմահնագիտական արգելոց-թանգարան ներկայացված են ոսկուց, անագից, արծաթից, սաթից պատրաստված պերճանքի եզակի առարկաներ: Մեծամորի հնավայրից է հայտնաբերվել և թանգարանի հատուկ զետեղարանում է ցուցադրվում Հայաստանի տարածքից հայտնի ամենահին ոսկե զարդը:

Դեկտեմբերի 15-ին «Մեծամոր» պատմահնագիտական արգելոց-թանգարանում անցկացվող գիտաժողովին զուգահեռ կբացվի Մեծամորի ոսկու սրահի նոր ցուցադրությունը։

Աղբյուրը` ՀՀ ԿԳՄՍՆ Պահպանության Ծառայություն ՊՈԱԿ