Կիրակի, 27 նոյեմբերի, 2022 թ.
|
Ստեփանակերտում`   +11 °C

«Որովհետև հակառակը մեզ համար ոչնչացումն է»․ Արա Պողոսյան

«Որովհետև հակառակը մեզ համար ոչնչացումն է»․ Արա Պողոսյան
195
Կիրակի, 25 սեպտեմբերի, 2022 թ., 03:18

Քաղաքագետ Արա Պողոսյանի գրառումը․ «Իրականում ոչինչ չի՛ եղել, մենք նույն մենք ենք (մի քիչ լավ, մի քիչ վատ), թշնամին էլ նույնն է...
Մնում է մեզ թափ տանք, հանենք մեր միջի վախերը ու պատրաստվենք հաղթանակի։
Թեկուզ լոկալ, թեկուզ փոքր, բայց հաղթանակի։
Պարտվածի համար ավելի հեշտ է հետպատերազմյան ճգնաժամը հաղթահարել, քան հաղթողի։
Ադրբեջանի հասարակությանն էլ կերակրել են «հաղթողի ու անպարտելիի» կեղծիքով, ուստի նրանք հիմա էլ ավելի խոցելի են, է՛լ ավելի վտանգավոր վիճակում։ Գրեթե այնպես, ինչպես 1993-1994 թվականներին, երբ մեր առաջ կանգնած էր բարոյալքված թշնամական միավորում։
Ուրեմն պատկերացրեք, թե ինչպիսի բարոյալքում պիտի առաջանա նրանց մոտ, երբ տեսնեն, որ հայերը հաղթում են, որ հայերի մեջ հաղթահարվել է մահվան վախը, և հայերը գնում են առանց նահանջելու հետին մտքի...
Սա է մեր միակ հաղթաթուղթը։
Ուրեմն՝ ամրանում են ոգեպես, մեռցնում են մեր մեջ վախերը, ու գնում ենք մեր բաժին հաղթանակի հետևից։
Որովհետև հակառակը մեզ համար ոչնչացումն է։ Մենք հակառակի մասին մտածելու իրավունքն իսկ չունենք»:

Աղբյուրը`   Արա Պողոսյան