«Ֆինանսական ռիսկե՞ր եք ուզում կառավարել, մտածեք մեխանիզմներ, որոնք չեն սահմանափակի մարդկանց իրավունքը». Հ. Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը. «Պատգամավորը օրենսդրական նախաձեռնություն է առաջ բերել, որով բանկերը այլևս քաղաքացիներին չպետք է տրամադրեն արտարժույթով վարկեր: «Եթե քաղաքացին չունի արտարժույթով եկամուտ, ապա նա չպետք է ստանա արտարժույթով վարկ», հիմնավորում է պատգամավորը, արդարացնելով, թե իբր այդպես ապահովագրում է քաղաքացուն ռիսկից:
Նախ, Հայաստանում բավականին մեծ է քաղաքացիների թիվը, որոնք ոչ ուղղակի, բայց դե ֆակտո եկամուտ ստանում են արտարժույթով՝ ապրելով արտերկրից իրենց հարազատների փոխանցած տրանսֆերտներով:
Եվ երկրորդ, ու թերևս առանցքայինը. այդ նախաձեռնությունը թերևս պետք է անցնի ՍԴ քննությունը, հասկանալու համար, թե ընդհանրապես խորհրդարանը որքանով է իրավասու սահմանափակել քաղաքացու՝ վարկ ստանալու իրավունքը: Օրինակ, ՀՀ քաղաքացին գուցե ուզում է Հայաստանի բանկում ստանալ արտարժույթով վարկ և դրանով որևէ գործողություն անել այլ երկրում:
Եթե բանկը գնահատում է ռիսկերը, տեսնում է համապատասխան գրավադրման առարկան ու որոշում է, որ արժե տալ այդ վարկը, պատգամավորի ի՞նչ գործն է դա:
Վաղն էլ կարող է որևէ պատգամավորի մտքով անցնել, որ իքս ծավալի եկամուտ ունեցող քաղաքացուն թերևս պետք է արգելել կատարել իգրեք ծավալի գնում, որովհետև դա ռիսկային է, հետո կարող է քաղաքացին «տակից դուրս չգալ», ու էդպես մեկն էլ կմտածի սահմանել սոցիալական կատեգորիաներ ու որոշել, թե որ կատեգորիային առավելագույնը որքան վարկ պետք է տրամադրել:
Ֆինանսական ռիսկեր եք ուզում կառավարե՞լ, մտածեք մեխանիզմներ, որոնք չեն սահմանափակի մարդկանց իրավունքը և հնարավորությունները: Քաղաքացին ու բանկը, ձեր ի՞նչ գործն է մտնել «մատի ու մատանու» արանքը, եթե այնտեղ չեք տեսել որևէ ապօրինություն:
Գլխացավի խնդիրը գիլյոտինով լուծողը մեղմ ասած չի կարող որակվել որպես բժիշկ»:

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
42319.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
40619.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
195216.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
146015.11.2026, 19:19
Խաղողագործներին փող չեն տալիս․ «Հրապարակ»
80714.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
184813.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
81812.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
219510.11.2026, 19:37