Զախարովան հայտարարել է, թե 30-օրյա հրադադարը Կիևին անհրաժեշտ է ժամանակ շահելու համար

Նույն երկրները, որոնք նախկինում խոստովանել էին, որ օգտագործել են Մինսկի համաձայնագրերը Կիևի օգտին ժամանակ ձգձգելու համար, այժմ ձգտում են 30-օրյա հրադադարի՝ Կիևի ռեժիմի մարտունակությունը վերականգնելու համար, հայտարարել է Ռուսաստանի արտաքին գործերի նախարարության խոսնակ Մարիա Զախարովան։
«Բեռլինն ու Փարիզն օգնեցին Կիևին պատրաստվել այս պատերազմին։ 2022 թվականին Գերմանիայի նախկին կանցլեր Անգելա Մերկելը և Ֆրանսիայի նախկին նախագահ Ֆրանսուա Օլանդը հայտարարեցին, որ ոչ ոք չի պլանավորում իրականացնել Մինսկի համաձայնագրերը, և համաձայնագրերն ուղղակի անհրաժեշտ էին Ուկրաինային՝ ժամանակ շահելու համար՝ «Դոնբասի խնդիրը» ուժով լուծելուն նախապատրաստվելու նպատակով։ Այսօր նույն երկրները ձգտում են 30-օրյա զինադադարի՝ Կիևին շունչ քաշելու ժամանակ տալու, ռազմական ներուժը վերականգնելու և Ռուսաստանի հետ դիմակայությունը շարունակելու համար»,- ասել է Զախարովան Ռուսաստանի արտաքին գործերի նախարարության կայքում հրապարակված մեկնաբանության մեջ։