Սանկտ Պետերբուրգում տեղի ունեցած պայթյունի հետևանքով զոհվել է Վլադլեն Տատարսկին

1641

Երկուշաբթի, 03 ապրիլի, 2023 թ., 09:12

Սանկտ Պետերբուրգի սրճարանում տեղի ունեցած պայթյունի հետևանքով տուժածների թիվը հասել է 32-ի, 10-ի վիճակը ծանր է, հայտնում է ՌԴ առողջապահության նախարարության մամուլի ծառայությունը։

Զոհվել է ռազմական թղթակից Վլադլեն Տատարսկին: Ըստ ռուսական լրատվամիջոցների՝ պայթուցիկ սարք է տեղադրված եղել արձանիկի մեջ, որը միջոցառման մասնակիցներից մեկը նվիրել է Տատարսկուն։ Սրճարանը նախկինում պատկանում էր Վլադիմիր Պուտինի մերձավոր Եվգենի Պրիգոժինին: