Ռաիսին ու Մակրոնը հեռախոսով զրուցել են մեկուկես ժամ

2217

Շաբաթ, 10 հունիսի, 2023 թ., 18:24

Իրանի նախագահ Էբրահիմ Ռաիսին և Ֆրանսիայի նախագահ Էմանուել Մակրոնը հեռախոսազրույց են ունեցել։ Կողմերը զրուցել են 90 րոպե։

Բանակցությունների ընթացքում Մակրոնն ընդգծել է, որ Փարիզը մտադիր է շարունակել սերտ շփումներն Իրանի Իսլամական Հանրապետության հետ։ Այս մասին հայտարարել է Իրանի նախագահի աշխատակազմի´ քաղաքական հարցերով տեղակալ Մոհամմադ Ջամշիդին։

Նախագահները քննարկել են նաև երկու երկրների միջև հարաբերությունների զարգացման ուղիները։ Զրուցակիցները պայմանավորվել են շարունակել բանակցությունները հակաիրանական պատժամիջոցների չեղարկման և տարածաշրջանում տիրող իրավիճակի շուրջ։