Ֆրանսիայում տեղի ունեցած երկրաշարժի հետևանքով տարհանվել են քաղաքներից մեկի բոլոր բնակիչները

Ֆրանսիայի արևմուտքում 5,3-5,8 մագնիտուդ ուժգնությամբ երկրաշարժ է տեղի ունեցել։ Փրկարարները ստիպված են եղել տարհանել Նոր Ակվիտանիայի փոքր քաղաքներից մեկի գրեթե բոլոր բնակիչներին։

Ուրբաթ երեկոյան և շաբաթ վաղ առավոտյան Նոր Ակվիտանիայի բնակիչները զգացել են մինչև 5,8 մագնիտուդ ուժգնությամբ ցնցումներ։ Այս մասին հայտնում է Ֆրանսիայի Կենտրոնական սեյսմոլոգիական բյուրոն։

Երկրաշարժի էպիկենտրոնը գտնվել է Նիորտ և Լա Ռոշել քաղաքների միջև։

Երկրաշարժի էպիկենտրոնը գտնվել է Նիորտ և Լա Ռոշել քաղաքների միջև։ Արդյունքում մի քանի մարդ վիրավորվել է, շուրջ 1100 տուն մնացել է առանց էլեկտրականության։ Գրեթե բոլոր բնակիչները ստիպված են եղել տարհանվել Լա Լեյն քաղաքից՝ մոտ 500 մարդ, քանի որ գրեթե բոլոր տներում ճաքեր են գոյացել, իսկ շատերում տանիքներ են փլվել։
Վերջին անգամ ավելի քան 5 բալ ուժգնությամբ ցնցումներ գրանցվել են Ֆրանսիայում 2019 թվականին՝ Դրոմ դեպարտամենտում՝ Ալպերի նախալեռներում։