Նյու Յորքում ավտոբուսների բախումից ավելի քան 80 մարդ է տուժել

4783

Ուրբաթ, 07 հուլիսի, 2023 թ., 10:24

Նյու Յորքում 2 ավտոբուսի բախման հետևանքով ավելի քան 80 մարդ է տուժել, հայտնում է ABC հեռուստաալիքը: Դեպքը տեղի է ունեցել նախօրեի երեկոյան՝ Մանհեթենի շրջանում. երկհարկանի զբոսաշրջային ավտոբուսը մխրճվել է քաղաքային ավտոբուսի մեջ։ 81 մարդ է վիրավորվել, որոնցից 18-ը տեղափոխվել է հիվանդանոց, ևս 63-ին օգնություն է ցուցաբերվել տեղում։ Ականատեսների խոսքով՝ մեղավորը զբոսաշրջային ավտոբուսի վարորդն է, ով անցել է կարմիր լույսի տակով։