Երկուշաբթի, 21 սեպտեմբերի, 2026 թ.
|
Ստեփանակերտում`   +15 °C

«Սառնաղբյուրում առնվազն 5 երեխա զոհվել է, 13-ը՝ վիրավորվել». Արտակ Բեգլարյան

«Սառնաղբյուրում առնվազն 5 երեխա զոհվել է, 13-ը՝ վիրավորվել». Արտակ Բեգլարյան
3083
Չորեքշաբթի, 20 սեպտեմբերի, 2023 թ., 21:18

Արցախի նախկին պետնախարար Արտակ Բեգլարյանը X-ի իր միկրոբլոգում անգլալեզու տեսանյութ է հրապարակել՝ օգատատերերին ներկայացնելով Ադրբեջանի ԶՈւ կողմից քաղաքացիական անձանց թիրախավորելու փաստեր։

«Սառնաղբյուրում ադրբեջանական գնդակոծության հետևանքով վիրավորված 7-ամյա Ռուզան Հայրապետյանն է։ Տուժած երեխաներից մի քանիսի և նրանց հարազատների հետ իմ զրույցները նոր դեպքեր են բացահայտել։ Առնվազն 5 երեխա զոհվել է, 13-ը՝ վիրավորվել», - ասել է նա։

Բեգլարյանը տեսանյութում պատմում է, թե ինչպես է Ադրբեջանը թիրախավորել տներից մեկում ապաստանած մի խումբ երեխաների և կանանց, որի հետևանքով սպանվել են 5 երեխաներ։ Երեխաներից մեկը հիվանդանոցի ճանապարհին է զոհվել, իսկ երկուսի մարմինները նույնիսկ ծնողները չեն գտնում»։