Ոստիկանների կողմից ծեծված 16-ամյա իրանուհին մահացել է

3119

Երեքշաբթի, 24 հոկտեմբերի, 2023 թ., 21:36

Իրանում 16-ամյա Արմիտա Գերավանդը մահացել է բարոյականության ոստիկանների կողմից հիջաբ չկրելու պատճառով ծեծի ենթարկվելուց հետո, հայտնում է CNN-ը։

Գերավանդը հոկտեմբերի սկզբին Թեհրանում դաժան ծեծի էր ենթարկվել ոստիկանների կողմից, և գրեթե մեկ ամիս կոմայի մեջ էր: Իրավապաշտպանները լրատվամիջոցներին հայտնել են, որ հիվանդանոցում աղջկան հսկում էին Իրանի անվտանգության աշխատակիցները։ Նույնիսկ ընտանիքի անդամներին թույլ չեն տվել տեսնել նրան։