Կիրակի, 16 օգոստոսի, 2026 թ.
|
Ստեփանակերտում`   +20 °C

Իրանում կախաղան են բարձրացրել 29-ամյա Սամիրա Սաբզիանին

Իրանում կախաղան են բարձրացրել 29-ամյա Սամիրա Սաբզիանին
3452
Հինգշաբթի, 21 դեկտեմբերի, 2023 թ., 10:30

Նախօրեին Իրանում կախաղան են բարձրացրել 29-ամյա Սամիրա Սաբզիանին, ով հայտնի է որպես «հարսնացու երեխա»: Նա սպասնել էր իր ամուսնուն և բանտում անցկացրել 10 տարի:

Սամիրան դարձել է այս տարի Իրանի կողմից մահապատժի ենթարկված տասնութերորդ կինը:

Սամիրան ամուսնացել է 15 տարեկանում և, ըստ նրա հարազատների, պարբերաբար ենթարկվել է ընտանեկան բռնության: 19 տարեկանում նրան ձերբակալել են ամուսնու սպանության մեղադրանքով։

Իրավապաշտպանների տվյալներով՝ վերջին շրջանում Իրանում մահապատիժների թիվը նկատելիորեն աճել է, միայն այս տարվա նոյեմբերին մահապատժի է ենթարկվել 115 մարդ: 11 տարվա ընթացքում՝ 2010-2021 թվականներին, Իրանում մահապատժի է ենթարկվել 164 կին: