Չորեքշաբթի, 07 մայիսի, 2025 թ.
|
Ստեփանակերտում`   +14 °C

Մասկը ծրագրում է մինչև տարեվերջ 5000 ռոբոտներից կազմված «բանակ» ստեղծել

Մասկը ծրագրում է մինչև տարեվերջ 5000 ռոբոտներից կազմված «բանակ» ստեղծել
6303
Երեքշաբթի, 25 մարտի, 2025 թ., 12:09

Tesla-ի գործադիր տնօրեն Իլոն Մասկը ծրագրում է մինչև տարեվերջ 5000 Optimus տեսակի ռոբոտներ ստեղծել: Այս մասին ձեռնարկատերը հայտնել է X-ում։

«5000 ռոբոտը հավասարազոր է հռոմեական լեգեոնին»,- նշել է Մասկը։ (Հին Հռոմում լեգեոնը տարբեր ժամանակներում բաղկացած էր 2-10 հազար զինվորից):

«Այս տարի պատրաստվում ենք բառացիորեն ստեղծել ռոբոտների առնվազն մեկ լեգեոն, իսկ հաջորդ տարի՝ գուցե 10 լեգեոն»,- խոստացել է Իլոն Մասկը: Այսպիսով, Մասկը մտադիր է արտադրել մինչև 50 հազար ռոբոտ՝ ձևավորելով յուրատեսակ «բանակ»։

Մասկն իր ռոբոտներն անվանել է Tesla-ի ամենաթանկարժեք կապիտալը։ Նրա կարծիքով, դժվար է գնահատել արտադրությունը, որը թույլ է տալիս ստեղծել «խելացի մարդանման ռոբոտներ, որոնք ունակ են կողմնորոշվել իրականության մեջ և կատարել առաջադրանքներ ըստ պահանջի»։