Կրակոցներ՝ Արագածոտնի մարզում

Ապրիլի 4-ին կրակոցներ են տեղի ունեցել Արագածոտնի մարզում։ Ժամը 21:35-ի սահմաններում ՀՀ ՆԳՆ տեղեկություններ են ստացվել, որ Արուճ գյուղում վիճաբանություն է տեղի ունեցել: Ինչպես հայտնում է Գագիկ Շամշյանը, պարզվել է, որ նույն օրը՝ ժամը 20:30-ի սահմաններում, գյուղի դպրոցի մոտ բնակիչներից 34-ամյա Սամվել Հ-ն իր մոտ ապօրինի պահվող որսորդական հրացանից մի քանի կրակոց է արձակել նույն գյուղի բնակիչ 31-ամյա Ֆահրադ Հ-ի կողմից վարած «Mercedes» մակնիշի ավտոմեքենայի ուղղությամբ։ Նշված ավտոմեքենայում այդ պահին եղել է Արուճ գյուղի բնակիչ 20-ամյա Սերգեյ Ա-ն։ Կրակոցների հետևանքով վնասվել է ավտոմեքենայի հետևի հողմապակին, հետևի ձախ լուսարձակն ու անվաթևը։ Ոստիկանությունը ձեռնարկում է անհրաժեշտ միջոցառումներ՝ Սամվել Հ-ին և հանցագործության գործիք հրազենը հայտնաբերելու ուղղությամբ։ Ֆոտոլրագրողի տեղեկություններով՝ պատճառը եղել է ավտոմեքենան արագ վարելն ու իրար չզիջելը։