Կիրակի, 23 օգոստոսի, 2026 թ.
|
Ստեփանակերտում`   +29 °C

«ՌԴ-ն պատրաստ է աջակցել ՀՀ ինքնիշխանության ու տարածքային ամբողջականության պաշտպանությանը». Լավրով

«ՌԴ-ն պատրաստ է աջակցել ՀՀ ինքնիշխանության ու տարածքային ամբողջականության պաշտպանությանը». Լավրով
635
Չորեքշաբթի, 21 մայիսի, 2025 թ., 12:32

ՌԴ-ն պատրաստ է աջակցել ՀՀ ինքնիշխանության ու տարածքային ամբողջականության պաշտպանությանը։ Այս մասին հայտարարել է աշխատանքային այցով Հայաստանում գտնվող ՌԴ ԱԳ նախարար Սերգեյ Լավրովը՝ ՀՀ ԱԳ նախարար Արարատ Միրզոյանի հետ հանդիպման ժամանակ։

Սերգեյ Լավրովն առանձնապես կարևորել է ՌԴ-ի և ՀՀ-ի համագործակցությունն անվտանգության ոլորտում։

«Մենք պատրաստ ենք ամեն կերպ աջակցել ՀՀ ինքնիշխանության ու տարածքային ամբողջականության պաշտպանության ապահովմանը»,- նշել է Լավրովը։

Անդրադառնալով ՀՀ-ի և Ադրբեջանի հետ հարաբերություններին՝ Լավրովն ասել է․ «Մենք անկեղծորեն շահագրգռված ենք Երևանի և Բաքվի միջև հարաբերությունների լիակատար կարգավորման մեջ, որի համար ամուր հիմք ենք համարում ՌԴ-ի, Ադրբեջանի նախագահների և ՀՀ վարչապետ Նիկոլ Փաշինյանի միջև կնքված եռակողմ համաձայնությունները՝ 2020, 2022 թվականներին, ողջունում ենք ՀՀ-ի և Ադրբեջանի հետ խաղաղության պայմանագրի տեքստի շուրջ համաձայնության գործընթացը և պատրաստ ենք նպաստել այդ փաստաթղթի վերջնական ստորագրման հետ կապված բոլոր հարցերի լուծմանը»։