«Ոստիկանական քառաշերտ պատնեշ էին կազմել մեր դեմ». Անահիտ Ադոյան

«Երկու օր է՝ մենք պահանջում ենք, որ այն մարդը, ով շարունակելու է Աբազյանի գործը, գա ծնողների մոտ, կամ մենք գնանք նրա մոտ: Մենք հասկանում ենք, որ այդ մարդը դեռ պետք է ծանոթանա գործերին, բայց շատ սեղմ ժամանակահատվածում: Լավ կլիներ, որ ով պետք է այդ պատասխանատվությունն իր վրա կրի, գար, ասեր՝ եկեք հավաքվենք մի տեղ և զրուցենք: Մեզ այդ էր պետք»,- լրագրողների հետ զրույցում ասաց անհետ կորած զինծառայողի մայր Անահիտ Ադոյանը:

Նա նշեց, որ գնացել էին «Հերացի» հիվանդանոցային համալիր, որտեղ ծնողների մեծ մասին ԴՆԹ էր եկել, ինչը, սակայն, խաբեություն էր եղել:

«Ուզում էինք «Հերացի» հիվանդանոցի մոտ 1 ժամանոց ակցիա իրականացնել: Բայց ոստիկանական զորքը մեզանից առաջ էր այնտեղ գնացել: Մեր դեմ պատնեշը եռաշերտ և քառաշերտ էր, որ մենք ճանապարհը չանցնենք»,- հայտնեց Անահիտ Ադոյանը: