Համացանցում տարածվել է Նորապատում տեղի ունեցած սպանության տեսանյութը

«ԱրմԼուր»-ը հրապարակել է Նորապատում տեղի ունեցած սպանության տեսագրությունը։

Ինչպես ավելի վաղ հայտնել էինք՝ մայիսի 26-ին Արմավիրի մարզի Նորապատ գյուղի գերեզմանատան տարածքում տեղի էր ունեցել սպանություն։ Կենցաղային հարցերի շուրջ վիճաբանություն էր առաջացել, որի ժամանակ մասնակիցներից մեկը դանակով հարվածներ էր հասցրել մի կնոջ, ինչից հետո դանակահարվածի տղան իր մոտ եղած զենքով կրակոցներ էր արձակել. 3 հոգի տեղում մահացել էին։

Դեպքը տեղի էր ունեցել ազգությամբ եզդի ընտանիքի անդամների միջև։
Մահացածներն էին Արմավիրի մարզի բնակիչներ՝ 64-ամյա Սաշա Բաբայանը, 43-ամյա Մայիս Բաբայանը և 44-ամյա Խդր Բաբայանը։