«Վախենում եմ՝ մեր իշխանությունները մի օր սա էլ ներկայացնեն որպես «խաղաղության մի մաս»»․ Արսեն Նիկողոսյան

Ակտիվիստ Արսեն Նիկողոսյանը ֆեյսբուքյան իր էջում գրել է. «Ադրբեջանը տարիներ շարունակ պահանջում է, որ Հայաստանը փակի Մեծամորի ատոմակայանը։ Թուրքիան նույնպես միշտ դեմ է եղել դրա գոյությանը։
Հիմա վախենում եմ՝ մեր իշխանությունները մի օր սա էլ ներկայացնեն որպես «խաղաղության մի մաս» ու ասեն՝ նորմալ է, փակենք։
Բայց Մեծամորի ԱԷԿ-ը պարզապես ատոմակայան չէ․ այն Հայաստանի էներգետիկ անվտանգության և անկախության ռազմավարական հենասյուներից է։ Այն այսօր ապահովում է մեր էլեկտրաէներգիայի մոտ մեկ երրորդը։
Ատոմակայանը կարելի է փոխարինել միայն այն ժամանակ, երբ Հայաստանը կունենա նոր, ժամանակակից ու անվտանգ ատոմային հզորություն։ Հինը փակել ու փոխարենը արտաքին էներգետիկ կախվածության մեջ ընկնելը Հայաստանի շահերից չի բխում։
Խաղաղությունը խաղաղություն, բայց Հայաստանի էներգետիկ անվտանգությունը սակարկության առարկա չէ։
Մեծամորը պետք է պահենք այնքան ժամանակ, մինչև Հայաստանը կունենա ավելի հզոր ու ժամանակակից նոր ատոմակայան»։