«Գործ ունենք ֆիլիբաստերի հետ». Հայկ Կոնջորյան

Պատգամավորները քննարկում են Ֆինանսավարկային և բյուջետային հարցերի մշտական հանձնաժողովի նախագահի ընտրության հարցը։ ԱԺ «Ուժեղ Հայաստան» խմբակցությունը նշյալ հանձնաժողովի նախագահի պաշտոնում ընտրելու համար առաջադրել է Լիանա Մանուկյանի թեկնածությունը։

Հիշեցնենք, որ «Ուժեղ Հայաստան» խմբակցությունն այդ պաշտոնում օրեր առաջ առաջադրել էր Հայկ Ֆարմանյանի թեկնածությունը, սակայն քվեարկության արդյունքում վերջինս չէր ընտրվել։

Լիանա Մանուկյանի հետ հարցուպատասխանի փուլն ավարտվեց, այժմ ելութների փուլն է, հերթագրվել է 40 պատգամավոր: Փոխխոսնակ Հայկ Կոնջորյանն ասաց. «Սա խորհրդարանական մշակույթի մեջ կոչվում է ֆիլիբաստեր: Դա այն սկզբունքն է, երբ պատգամավորները փորձում են մաքսիմալ երկարացնել ու ձգել որևէ հարցի քննարկում՝ այս կամ այն քաղաքական նպատակադրումից ելնելով»: