Կիրակի, 16 օգոստոսի, 2026 թ.
|
Ստեփանակերտում`   +20 °C

Նամիբիայում թունավոր շիլա ուտելուց հետո ընտանիքի 13 անդամ է մահացել

Նամիբիայում թունավոր շիլա ուտելուց հետո ընտանիքի 13 անդամ է մահացել
2703
Ուրբաթ, 02 հունիսի, 2023 թ., 00:36

Նամիբիայում նույն ընտանիքի 13 անդամներ մահացել են թունավոր շիլա ուտելուց հետո, հայտնել է երկրի պետական ​​հեռարձակողը։ Եվս 4 մարդ գտնվում է հիվանդանոցում ծայրահեղ ծանր վիճակում, հայտնում է NBC-ն։

Հրապարակման մեջ, վկայակոչելով Առողջապահության նախարարությանը, ասվում է, որ առնվազն 20 մարդ օգտագործել է «թույն պարունակող կամ տոքսիկ» շիլան այն բանից հետո, երբ այն խառնվել է տնական ալկոհոլային խմիչքից մնացած խմորված նստվածքի հետ: Զոհերի տարիքը 2-ից մինև 33 տարեկան է: Մահացածների մեծ մասը երեխաներ էին և, ովքեր սննդի սուր կարիքի մեջ են եղել: NBC-ն, վկայակոչելով Առողջապահության դեպարտամենտը, ասում է, որ սնունդը պատրաստված է եղել կորեկի ալյուրից և խմորված նստվածքից, որը մնացել է տնական ալկոհոլային խմիչքից:

Հետաքննություն է սկսվել, և նախարարությունը խորհրդականների խումբ է ուղարկել վշտահար ընտանիքին հոգեբանական աջակցություն ցուցաբերելու համար։ Շիլայի նմուշներն ուղարկվել են հարևան Հարավային Աֆրիկա՝ փորձարկման: