«Ոսկեպարի եկեղեցու ճակատագիրը սահմանազատման դեպքում մնում է անհայտ»․ Քորթոշյան
553 Չորեքշաբթի, 10 ապրիլի, 2024 թ., 00:00 Պատմաբաններն ու փորձագետներն էլ հայտարարում են, որ այդ տարածքները թշնամուն զիջելը կվտանգի ամբողջ Հայաստանը, քանի որ Հայաստանն արտաքին աշխարհին կապող ճանապարհը հայտնվում է թշնամու հսկողության ներքո, ավելին՝ այդ տարածքներում կան բազմաթիվ հուշարձաններ, որոնք փաստում են, որ դրանք պատմականորեն հայկական տարածքներ են եղել։ 168.am-ի հետ զրույցում Հայկական ճարտարապետությունն ուսումնասիրող հիմնադրամի փոխտնօրեն Րաֆֆի Քորթոշյանն ասել է, որ սահմանին գտնվող՝ 7-րդ դարի Ոսկեպարի Սուրբ Աստվածածին եկեղեցին ամենանշանավոր հուշարձաններից է։ Նա վստահեցրեց, որ չի հավատում Ադրբեջանի խաղաղասիրությանը։ Եվ եթե Ադրբեջանն իրականում խաղաղության գնար և սահմանազատում տեղի ունենար, Հայաստանն ու Ադրբեջանը կվերադառնային խորհրդային սահմաններին, որտեղ այդ չորս գյուղերը վերադարձվելու էին Ադրբեջանին, թեպետ ամբողջ Մեծ Հայքի տարածքը պատմական Հայաստան է։ Այս ամենը Եվրոխորհրդարանի մի քանի բանաձևերում արձանագրված է։ Եթե այս հարաբերությունների միջնորդը Եվրոպան է, պետք է ստեղծի երաշխիքներ՝ նաև հաշվի առնելով եվրոպական արժեքները, որ այդ տարածքներում գտնվող հայկական հուշարձանները պետք է պահպանվեն։ Վերին Ոսկեպարի տարածքում հիմնական հուշարձանները՝ եկեղեցիները, խաչքարերով գերեզմանոցները, բերդերն ավելի հին են։ Կա մեկ մահմեդական հուշարձան՝ գերեզմանոց, որը 19-րդ դարի է, բայց բոլոր հուշարձանները, որոնք գտնվում են այնտեղ, բոլորն անվնաս վիճակում են, իսկ Արծվաշենում, որը 90-ականներից թշնամու հսկողության տակ է՝ թշնամին որևէ հայկական հուշարձան չի թողել»,- եզրափակեց Րաֆֆի Քորթոշյանը։ Առավել մանրամասն՝ սկզբնաղբյուրում: |
«Բանվորի արձան»-ի տապալումից և անհետացումից 7 տարի անց է մասնատված արձանը գտնվել
205Երեկ, 20:36Գանձագողերը քանդում են Կապադովկիայում (Գամիրք) պահպանված միակ հայկական եկեղեցին
187Երեկ, 17:18«Հայաստանը պատրաստ է ժամանակավոր հյուրընկալել Գազայում վտանգված ձեռագրերը»․ Միրզոյան
23130.04.2024, 19:48Երվանդ Քոչարի մեծածավալ «Ընդվզումը»՝ Պուշկինի փողոցի շենքերից մեկի ճակատին (լուսանկար)
41629.04.2024, 00:06Պեղվում է Չեսար Օրբելյանի ապարանքը Հորսում (լուսանկար)
41028.04.2024, 23:48Մահացել է հայոց ազատամարտի երգիչ Սահակ Սահակյանը (տեսանյութ)
74627.04.2024, 23:18«Հայրենիքը բոլորիս կարիքն ունի». ակցիա՝ Պարոնյանի թատրոնում
41027.04.2024, 21:48Ռեժիսոր Դավիթ Սահակյանցը միացել է Կիրանցի պայքարին
33027.04.2024, 20:48