ԵՄ-ն ԱՄՆ-ին խոստանում է կոշտ պատասխան՝ մաքսատուրքերի սահմանման դեպքում․ #Bloomberg

ԵՄ-ն զգուշացրել է, որ կոշտ պատասխան կտա, եթե ԱՄՆ-ն ԵՄ-ից ներմուծվող ապրանքների համար մաքսատուրքեր սահմանի, գրում է Bloomberg-ը։

ԵՄ-ն մտադիր է այդ սպառնալիքները քննարկել դաշինքի երկրների հետ՝ փետրվարի 4-ին Վարշավայում կայանալիք՝ առևտրի նախարարների հանդիպման ժամանակ։

Եվրոհանձնաժողովի ներկայացուցչի խոսքով՝ Բրյուսելում ներկայում տեղյակ չեն հավելյալ մաքսատուրքերի մասին: Նա ընդգծել է, որ ԱՄՆ-ի հետ ԵՄ-ի առևտրային և ներդրումային հարաբերություններն ամենամեծն են աշխարհում, և որ մաքսատուրքերի սահմանումը «վնասակար կլինի բոլոր կողմերի համար»:

Հիշեցնենք, որ ավելի վաղ Դոնալդ Թրամփը հայտարարել էր, որ Միացյալ Նահանգները մտադիր է լրացուցիչ մաքսատուրքեր սահմանել Եվրոմիությունից ներմուծվող ապրանքների համար՝ պատճառաբանելով, որ ԵՄ-ն ԱՄՆ-ից ոչինչ չի գնում, իսկ ԱՄՆ-ն գնում է ամեն ինչ: