ՀՀ հակակոռուպցիոն կոմիտեն` 590 հազար դոլարի հափշտակման դեպքի մասին

Ինչպես հայտնել ենք, ՔԿ շենքից ավելի քան 590 հազար դոլար է հափշտակվել:

Հակակոռուպցիոն կոմիտեից հայտնում են, որ ՀՀ քննչական կոմիտեից ստացված հաղորդման հիման վրա ՀՀ քրեական օրենսգրքի 446–րդ հոդվածի 2–րդ մասի և ՀՀ քրեական օրենսգրքի 254–րդ հոդվածի 3–րդ մասի 2–րդ և 4–րդ կետերի հատկանիշներով ՀՀ հակակոռուպցիոն կոմիտեում նախաձեռնվել է քրեական վարույթ՝ ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության՝ Երևան քաղաքի Դեղատան 3 հասցեում գտնվող վարչական շենքից առանձնապես խոշոր չափերով գումար հափշտակելու դեպքի առթիվ։

Ըստ Փաստինֆոյի, ձերբակալվածը գլխավոր վարչության 5-րդ վարչության պետն է։