Օկուպացված Ստեփանակերտում կանցկացվի գլոբալ մեդիա համաժողով՝ Ալիևի մասնակցությամբ

Հուլիսի 19-ից 21-ն օկուպացված Ստեփանակերտում կանցկացվի III գլոբալ մեդիա համաժողովը՝ «Թվային փոխակերպումներ. տեղեկատվության և մեդիայի դիմադրողականության ամրապնդումն արհեստական բանականության դարաշրջանում» թեմայով։ Այս մասին հայտնում են ադրբեջանական լրատվամիջոցները:

Նախատեսվում է Ադրբեջանի նախագահի մասնակցությունը։ Ֆորումին հրավիրված են մոտ 140 օտարերկրյա հյուրեր 52 երկրներից, այդ թվում՝ ավելի քան 30 լրատվական գործակալությունների, 7 միջազգային կազմակերպությունների, մոտ 80 մեդիա ընկերությունների, ինչպես նաև ոլորտին առնչվող մասնագիտացված հաստատությունների և կառույցների ներկայացուցիչներ։