Հայտնաբերվել է աշխարհի ամենախոշոր ստորջրյա քարանձավը

Մարդաբանության և պատմության Մեքսիկայի ազգային ինստիտուտի մասնագետները ջրով լցված 2 խոշոր քարանձավների միջև միջանցք են հայտնաբերել: Միասին նրանք ձևավորում են աշխարհի ամենախոշոր ստորջրյա քարանձավը:

Այս բացահայտումն արվել է Great Mayan Aquifer նախագծի շրջանակներում՝ Յուկատան թերակղզու Թուլում շրջանում:

Առաջին քարանձավը, որ կոչվում է Սակ Ակտուն, ունի 263 կմ երկարություն, երկրորդը կոչվում է Դոս Օխոս և ունի 84 կմ երկարություն: Երկու քարանձավները կապող միջանցքը հայտնաբերվել է հունվարի 10-ին 10 ամսվա լարված հետազոտություններից հետո:

Քարանձավային ողջ համակարգն ունի 347 կմ երկարություն: Միջին խորությունը կազմում է 20 մ, թեև որոշ բաժինների խորությունը հասնում է 2 մետրի որոշներինն էլ՝ մինչև 100 մետրի:

Համաձայն ընդունված կանոնների՝ քարանձավների ընդհանուր անուն է ընտրվել մեծ քարանձավի անունը՝ Սակ Ակտուն, որը թարգմանաբար նշանակում է Սպիտակ քարանձավ:

Քարանձավում գիտնականները հայտնաբերել են ավելի քան 100 օբյեկտներ, դրանց թվում վերացած կենդանիների, մարդկանց մնացորդներ, խեցեղեն: Գտնվել են նաև այստեղ ժամանակին կառուցված բնակատեղիի հետքեր: