Ծայրաստիճան խոցելիություն՝ հարյուրավոր Android-հավելվածներում

917

Չորեքշաբթի, 04 դեկտեմբերի, 2019 թ., 22:05

500 հանրահայտ Android հավելվածների օգտատերերի միջոցներն ու անձնական տվյալները վտանգված են StrandHogg հավելվածի խոցելիության պատճառով։ Այս մասին հայտարարել են Promon ընկերության փորձագետները: Նրանք հայտնում են, որ վիրուսը ցուցադրում է մուտքի էկրանի կեղծ տարբերակը և թույլ է տալիս վնասակար ծրագրերին գողանալ անձնական տեղեկատվություն, գրում է «РБК» կայքը։

Այս տվյալներն ուղարկվում են հաքերներին, ովքեր կարող են այն օգտագործել համակարգ մուտք գործելու և օգտատիրոջ սմարթֆոնի վրա գործողությունները կառավարելու համար: Ամենից հաճախ հանցագործները հափշտակում են տվյալները cryptocurrency դրամապանակներ մուտք գործելու համար, բայց նրանք կարող են նաև միացնել խոսափողը, կարդալ և ուղարկել հաղորդագրություններ, ինչպես նաև մուտք գործել անձնական լուսանկարների և ֆայլերի բաժին:

Promon-ի փորձագետները Google-ին տեղյակ են պահել StrandHogg-ի խոցելիության մասին դեռևս նախորդ տարվա ամռանը, որից հետո ընկերությունը հեռացրել է որոշ ծրագրեր, որոնք կարող են խնդիր առաջացնել: