«Տոնական օրերը կլինեն առանց տեղումների»․ Գագիկ Սուրենյան

Հունվարը կլինի բավականին տաք։ Ամսական միջին ջերմաստիճանը Հանրապետության ողջ տարածքում կանխատեսվում է նորմայից մոտ 3-5 աստիճանով բարձր, տեղումների քանակը կլինեն նորմայից պակաս։ Մամուլի ասուլիսի ընթացքում հայտնեց «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։ «Հունվարի առաջին տասնօրյակում տաք օդի ալիքները շատ կլինեն․․․ Տոնական օրերին կլինի բացարձակ առանց տեղումների եղանակ, Հանրապետությունում կգերակշռեն հարավ-արևմտյան տաք օդային հոսանքները։ Պարզ երկնքով պայմանավորված գիշերային ժամերին կունենանք բացասական ջերմաստիճաններ, սակայն ցերեկային ժամերին, նույնիսկ լեռնային շրջաններում կգրանցվեն դրական ջերմաստիճաններ: Մայրաքաղաքում գիշերային ժամերին հունվարի առաջին տասնօրյակում կգրանցվի -2 -4 աստիճան, իսկ ցերեկային ժամերին՝ 6-8 աստիճան տաքություն»,- ասաց Սուրենյանը։